" लपंडावाचा खेळ "
पावसाळ्यात सुर्य नारायण
लपाछपीचा डाव खेळतो
काळ्या ढगा आड लपतो
कधी फक्त किरणांनाच धाडतो ,
डावामध्ये या कधी वारा
कधी पाऊस राज्य घेतो
धरतीला सूट देवून साऱ्यांचा
चार महिने खेळ चालतो ,
जेव्हा श्रावण सुरू होतो
सरींना अधूनमधून बरसण्यास सांगतो
ऊन पावसाच्या खेळामध्ये
आभाळ इंद्रधनुंनी छान सजवितो ,
हिरवेगार गालिचे फुले फुलवितो
धरतीच्या श्रृंगाराला सोनेरी साज देतो
निसर्ग ऋतू खेळाचे नियोजन करीत
लपंडाव जीवसृष्टीस भूरळ पाडतो ...
© ® कवी : संजय होनकळस, पुणे
१२/०७/२५ फोन : ९८५००३९७६६
कोणत्याही टिप्पण्या नाहीत:
टिप्पणी पोस्ट करा