आभासी की खरा हवा ...
खरच आहे सारे हे
आभासी सुख आता बोचते ,
हरवलेल्या संवादाचे
मोल आज कळते ,
उणिवच होती ती जीणे
नाते विणने शिकविले होते
एकमेकांत मिसळुनी खरे
' जगणे काय ते ' अनुभूविले होते ,
कधीच नव्हती स्पर्धा - इर्षा
होती आपलेपणाची आशा
तुटपुंज्या सोयी असूनही तेव्हां
भागवल्या एकमेकांच्या गरजा ,
सांपत्तिक रस्त्यावर धावताना मात्र , आता
मागे पडल्या आनंदाच्या छोट्या वाटा
काय जगलो ? लिहावे म्हंटले तर
कागद राहतो नेहमी अर्धा कोरा ,
किती तरी प्रश्न उत्तरा विनाच आज ...
वेळेच्या चक्रावलीत मी , भरकटलो मात्र ,
काय हवे ? किती हवे ? या जगण्याला ...
आभासी - खऱ्या जगण्याचा अर्थ आता तरी कळावा .
संजय होनकळस . 🙏🌷 २४.3.२०२०
९८५००३९७६६
कोणत्याही टिप्पण्या नाहीत:
टिप्पणी पोस्ट करा