" मराठी मायबोली भाषेचा जागर "

" मराठी मायबोली भाषेचा जागर "

होती , आहे , या पुढेही राहील
प्रज्ञेची आपली अभिजात मराठी भाषा
शतकानुशतकांचा इतिहास सांगतो
वैभवशाली प्रवास मराठी भाषेचा ,

मायबोलीतून देतो गीता संदेश ज्ञानेश्वरी माउलींचा
अभंग ओवी गाथा बोधक रचना तुकारामांच्या ,
मनाचे श्लोक विवेकी काव्य समर्थ रामदासांच्या 
संत महात्म्यांचा उपदेश देते ग्रंथ मार्गदर्शिका ,

छत्रपती शिवाजी महाराजांची सुराज्य शासन भाषा
फुलेंच्या शाळेत शिकवली गेली मराठी भाषा
अविट रसाळ रांगडी माधुर्याची व्यवहारी भाषा
सारस्वतांच्या / साहित्यीकांच्या लेखणीतून समृद्धी पावली मराठी भाषा ,

महाराष्ट्र भूमीत प्राकृतातून रुजली बहरली
संस्कृतासोबत मराठी देवनागरी लिपीची भाषा
भारत मातेच्या हिता साठी सदैव उभा
मराठी बोली भाषेचा शाश्वत समृद्धीचा बाणा ,

कला नाट्य चित्रपट व्याख्यान मालिका
सर्वत्र प्रगल्भता / शहाणपण देती रसिकांच्या मनाला
मराठी भाषा घडवित आली पिढ्यानपिढ्यांना
साहित्य संमेलनाने घडतो जागर मराठीचा .

जागर मराठी भाषेचा , जागर मराठीचा ,                  जय मराठी .

© ® कवी : संजय होनकळस, पुणे
१२/१०/२५ फोन ९८५००३९७६६ .

( २/१/२६ सायंकाळी ६.०० वाजता
९९ वे अखिल भारतीय मराठी साहित्य संमेलन.
सातारा.‌ महाराष्ट्र.)