' पौगंडावस्थेतील ठेव '
पौगंड वयातील ती ठेव
आहे खूप अनमोल
आकर्षण म्हणा किंव्हा
अजाणत प्रेम ,
सृष्टी ने प्रत्येक सजीवाला
दिलेलं आहे अनमोल बीज
हृदयात असत कायमच
मन निपजत आवडीनं आजीवन ,
तारुण्यात पर्याय येतात खूप
व्यवहारी जग ठेवीला ठेवत झाकून
आतून येतो मग आवाज
बीज फुलवेल तुझे जीवन ,
स्वप्नावत देते साथ जास्त
आवडी निवडीत देते कौल
एकांतात अवतरते आभासीरुपात
आतल्या ठेवीच ते सजीवपण ,
काव्य , लेखन , चित्र , संवाद
प्रभाव असतो निःसंशय
तो - ती चे ठेवीरुपी अस्तित्व
जीवन करते प्रफुल्लित ,
उत्सुकता , इच्छा , एक झलक
जाणून घ्यावे एकमेकांस
परत जावे पौगंडावस्थेत
सांगावे , पहा कसे जपले आहे ठेवीस .
कवी : संजय होनकळस
कोणत्याही टिप्पण्‍या नाहीत:
टिप्पणी पोस्ट करा